За донаторот
Проектот е кофинансиран од Европската Унија во рамките на финансискиот инструмент за претпристапна помош (ИПА II) преку Програмата за прекугранична соработка Србија – Северна Македонија 2016-2020 година. Договорот за кофинансирање со фондовите на Европската Унија е потпишан со Министерството за финансии на Република Србија – Сектор за склучување договори и финансирање на програми од фондовите на Европската унија.
ИПА II ја поддржува прекуграничната соработка со цел унапредување на добрососедските односи, поттикнување на интеграцијата во Унијата и промовирање на социо-економскиот развој.
Програмата за прекугранична соработка меѓу двете земји е дизајнирана по детална анализа на програмската област и наодите од ситуацијата и SWOT (предности, слабости, можности и закани) анализи. Програмската област е лоцирана во централниот и јужниот дел на Балканскиот полуостров, кој, од една страна, го сочинува јужниот дел на централна Србија со областите на Јабланица и Пчиња и, од друга страна, североисточниот дел на поранешниот Северна Македонија со североисточниот регион и дел од Скопскиот регион. Определената област опфаќа 10 197 км2 со околу 732 000 жители кои живеат во 30 општини.
Општа цел на програмата е да ги зајакне добрососедските односи, да воспостави партнерства и да придонесе за развој на енергична програмска област со поврзување на жителите и ресурсите на одржлив начин.
Тематски приоритети на програмата се:
Тематски приоритет 1: Промовирање на вработување, мобилност на трудот и социјално и културно вклучување преку границата;
Тематски приоритет 2: Поттикнување на туризмот и културно и природно наследство;
Тематски приоритет 3: Техничка поддршка.